Të dashur bjeshkatar dhe dashamir të natyrës, ju informojmë se këtë të diele datë 28.01.2017 ShBA Lybeteni do të filloj sezonin e ecjeve për vitin 2018.

Ecja e parë për këtë vit do të realizohet në zonën më jugore të Kosovës, rrespektivisht në Brod të Dragashit. Andaj të gjithë adhuruesit e ecjeve në borë kanë mundësinë të marrin pjesë dhe të shijojnë bukuritë e shumta që ofron ky vend.

Ecja do të fillojë nga Hotel Arxhena në Brod të Dragashit dhe do të ngjitemi deri në Majën e Zllipotokut me lartësi mbidetare prej 2292m.

Gjatësia e ecjes është rreth 15km në të dy drejtimet (ndërsa ata që duan të përdorin teleferikun gjatësia e ecjes rreth 11km) dhe hynë në kategorinë e ecjeve me vështirsi të kombinuar (fillimi më i vështirë) nëpër shteg malor të mbuluar më borë.

Përgatitja fizike dhe psiqike është përgjegjësi individuale dhe ShbaLybeteni nuk merr përgjegjësi në rast lëndimi.

Numri i pjesmarrësve është i kufizuar dhe të drejtë pjesmarrje kanë vetëm personat e moshës mbi 18 vjeq.

Veshmbathja adekuate dimrore, këpucë të thella, jakne kundër erës dhe borës. Malit nuk i dihet prandaj duhet të jemi të përgatitur.

Ushqimi sigurohet nga vet pjesmarrësit.

ORGANIZIMI :
Pjesmarrja: Vetëm me REZERVIM
Transporti: Me Minibus
Çmimi: 10 Euro
Koha e nisjes: 28.01.2018 (e diel) ora 07:00
Vendi i nisjes: Parkingu i Viva Fresh Store (përball stacionit policor) në Ferizaj
Udhëheqës: Skenderi

Të gjithë të interesuarit rezervimin mund ta bëjnë me sms/viber në numrin +377 44 618 616, deri të shtunën në ora 18:00.