Përshëndetje dashamirë të natyrës, me datën 29/10/2017 po vazhdojmë me Hiking ne Valbonën e bukur, Nisjet do të bëhen nga Prishtina dhe Prizreni.

Në të gjitha stinët e vitit “Valbona” është gjithmonë e bukur por stina e vjeshtës i jep më shumë ngjyra dhe dashuri. Ejani dhe shijojeni madhështinë e saj.

“Lugina e Valbonës” ka statusin e Parkut Nacional e cila shtrihet në qendër të alpeve shqiptare, në rrethinën e Tropojës.

“Valbona” ndodhet 25 kilometra larg Bajram Currit dhe për të shkuar drejt saj duhet të kalojmë nëpërmjet Kanionit të Shoshanit, Grykës së Klisyrës, Grykës së Dragobisë e Qukut të Dunishës.
Nga hyrja në kanionin e Shoshanit e deri në “Valbonë” udhëtimi kalon nëpërmjet një lugine, ku në të dyja anët e saj ka një pamje përrallore.

Gjatë këtij udhetimi do të ndalemi tek Liqeni I Xhemës,(James Lake), tek ujëvara e “Valbonës” dhe pastaj ata që dëshirojnë për të vazhduar deri tek qafa e “Valbonës”.

Ecja do të jetë me vështirësi mesatare deri tek ujevara dhe me pas do të jetë e pjerrët pjerrët pjesërisht deri tek “Qafa e Valbones”.

Sipas informatave moti do të jetë i përshtatshëm për ecje.

Tubimi në stacion të autobusëve në Prizren ora 07:30 ndërsa nisja në ora 07:40, dhe kthimi kah ora 20:00, sipas planifikimit.

Tubimi në Prishtinë përballë parkingut afër RTV21 ora 07:00 ndërsa nisja në ora 07:10, dhe kthimi kah ora 21:00, sipas planifikimit.

Gjërat e nevojshme:
Një shishe 1.5L ujë, ushqim i lehtë sipas dëshirës,shkopinjë për ecje, këpuca të thella (Pllanika,Alpinka etj.) veshje vjeshtore dhe ndonjë xhaketë rezistent ndaj erës.

Pagesa 10 euro,
Rezervimi i obliguar:
Mob 044 79 49 77 ose ne Viber apo Whatsapp.
Email: info@teamexploring.com

AFATI PËR REZERVIM DERI TË SHTUNËN 01 TETOR, NË ORA 18:00.
Vërejte:
Te gjithë ata qe dëshirojnë të na bashkohen me veturat e tyre private, janë të obliguar të bëjnë rezervim dhe te bëjnë pagesën.