
- This event has passed.
Diskutim Publik: Identiteti i Qytetit
March 24, 2018 @ 5:00 pm - 6:30 pm
Të Shtunën në DokuKino po e shfaqim filmin e shkurtë “SK2014” i cili e ndjekë ndryshimin e identitetit në qytetin e Shkupit ku prezent me ne do të jetë regjisorja Kumjana Novakova. Pas shfaqjes së filmit do të debatojmë për urbanizmin e Prizrenit me regjisorët Kumjana Novakova, Guillermo Careras dhe arkitekten Krenare Koqi nga Komuna e Prizrenit.
Si kualifikohet urbanizmi I mirë, si mbahet identiteti I qytetit dhe çfarë organizimi po na duhet si qytetar të Prizrenit? Qytetet tona po përballen me rritje të shpejtë dhe me ndryshime të medhaja. Ne po shohim një të ardhme ku dy të tretat e popullsisë së botës do të jetojnë në zonat urbane deri në vitin 2050. Dekada e kaluar ka dëshmuar shumë ndryshime në planifikim, dizajn dhe urbanizëm, veçanërisht me rritjen e produkteve digjitale dhe shërbimeve. Si mundemi me e përmirsu bashkëjetesën në Prizren, çfarë urbanizmi i duhet dhe çfare po i ndërtohet asaj? Cilat kanë qenë përmirësimet më të mira dhe zhvillimet më problematike në qytetin e Prizrenit?
Filmi shfaqet në kuadër të iniciativës HACKING URBAN SPACE me një seri të jashtëzakonshme të filmave që përqendrohen kryesisht në sfidat e efikasitetit në strategjitë urbane, rritjen e popullsisë, transportin e ngulfatur, mjedisin dhe problemet e tjera të veçanta me të cilat ballafaqohen 3 qytetet më të mëdha të Kosovës: Prishtina, Prizreni dhe Peja.