Ftesë

Instituti Demokraci për Zhvillim (D4D) ka kënaqësinë të ju ftoj të merrni pjesë në konferencën përmbyllëse të projektit “Pjesëmarrja e rinisë: Vendos për demokraci” përkrahur nga National Endowment for Democracy –NED.

Gjatë vitit 2017, D4D ka mbajtur konsultime me të rinjtë nga Komuna e Gjilanit, Mitrovicës, Pejës, Prishtinës dhe Prizrenit, me qëllim të identifikimit të nevojave dhe prioriteteve të tyre kryesore brenda komunave ku jetojnë. Konsultimet, diskutimet, takimet e njëpasnjëshme, rezultuan në manifestin e të rinjve si kontratë sociale mes të rinjve dhe të zgjedhurve të tyre.

Ky manifest thekson prioritetet kryesore dhe nevojat që duhen të adresohen nga komunat dhe të zgjedhurit gjatë këtij mandati. Paralelisht me takimet e të rinjve, D4D ka takuar edhe zyrtarë të lartë të partive politike për të avokuar për përfshirjen e temave të këtij manifesti në platformat dhe programet e partive politike.

Rendi i ditës

12:45 -13:00 Arritja dhe regjistrimi
13:00 -13:05 Fjalët hyrëse – Ferid Murseli, menaxher i projektit
13:05 -13:15 Prezantimi i Manifestit të të rinjve – Blerinë N Ukshini, D4D
13:15 -14:00 Diskutim me panelistët: Çfarë mund të presin të rinjtë në mandatin e ri?
Lutfi Haziri, Kryetar i Komunës së Gjilanit
Eshref Memaj, Nënkryetar i Komunës së Prizrenit
Tafil Peci, Drejtor i drejtorisë për Kulturë, rini dhe sport, Komuna e Mitrovicës
Engelbert Zefaj, Drejtor i drejtorisë për Kulturë, rini dhe sport, Komuna e Pejës
Yll Rugova, Drejtor i drejtorisë për Kulturë, rini dhe sport, Komuna e Prishtinës
14:00 -14:15 Diskutim i hapur me pjesëmarrësit/et
14:15 Koktej

Sinqerisht,
Instituti D4D