KLUBI I LIBRIT ‘AKROPOLI I RI’ 6
Qendra Kulturore dhe Filozofike ”Akropoli i Ri” zhvillon takimin e radhës të Klubit të Librit ditën e Dielë, më datë 14.01.2018 në orën 18:00.

Këtë herë vepra që do të analizohet është përzgjedhur ndryshe, nga votimi i hapur në faqen tonë në Facebook, ku gjithësecili kishte mundësinë të zgjidhte librin e tij të preferuar. Në bazë të këtij votimi vepra e përzgjedhur është “Arti i të jetuarit” nga Arthur Schopenhauer.

Në këtë vepër autori përsërit disa nga rregullat e shumtë të jetës, duke u mbështetur tek mendimet më të ndritura të mendimtarëve të çdo kohe duke na ofruar atë esencë e cila është e përbashkët tek gjithsecili.

Arti i të jetuarit ka si synim të na mësojë që ta kthejmë atë proçes që e quajmë JETË në një art. Në mënyrë që gjatë këtij udhëtimi dhe jo në fund të tij, të mund të prekim sado pak lumturinë. Shpesh gjatë librit autori bën me dije se synimi i jetës është zhvillimi, mësimi dhe përmirësimi i qënies. Që proçesi i të jetuarit të kthehet në art do të thotë të bashkëpunosh me jetën dhe me sfidat që ajo të vendos në mënyrë që rritja e brendshme të ndodhë sa më shëndetshëm.

Në këtë takim do të zhvillohen fillimisht disa prezantime me synim analizimin e disa aspekteve kryesore të ideve të veprës dhe më pas do të zhvillohet një bisedë rreth librit.

Nëse jeni të interesuar duhet të konfirmoni pjesëmarrjen tuaj dhe të paraqiteni pranë Qendrës tonë ditën e Dielë, më datë 14.01.2018 në orën 18:00.
Pjesëmarrja është falas.

Për informacione të mëtejshme na kontaktoni në:
Rr. Mark Isaku, nr. 55 (mbrapa Emona City – te Qafa)
Mob: +386 49 80 90 77 (viber)
Email: filozofi.psikologji@gmail.com