Kush mund të garojë: Nxënësit e klasës: 6 deri 12
Afati: 6 nëntor- 25 nëntor, 2017
Çmimi: Ipad për 12 vizatimet më të miraRRETH ORGANIZATORËVE :
Kjo gare organizohet në kuadër të Ditës Ndërkombëtare Kundër Korrupsion nga Agjencia Kundër Korrupsionit (AKK), me mbështetjen e Projektit Anti – Korrupsion të UNDP; si dhe financohet nga Zyra Zvicerane për Zhvillim dhe Bashkëpunim (SDC) dhe Ministria e Punëve të Jashtme të Danimarkës (DANIDA).GARA PËR PËRZGJEDHJEN E VIZATIMIT MË TË MIRË :
Kurrë nuk është herët të mësojmë për integritetin. Fëmijët sot, kanë qasje të bollshme në informata, që u ndihmojnë atyre për të krijuar perceptimin ndaj mjedisit ku jetojnë dhe për të bërë dallimin midis të mirës dhe të keqes. Të mësuarit për integritetin që në fëmijëri, premton për një qytetarë me integritet në të ardhmen!
Prandaj, gara për vizatimin më të mirë ka për qëllim të inkurajojë nxënësit e klasave 6-12 që përmes vizatimit të shprehin perceptimin e tyre mbi korrupsionin: që përmes vizuelizimit, të shprehin se si ata shohin korrupsionin dhe/ose cilat janë pasojat e korrupsionit.

PROCESI I VLERËSIMIT :
Vizatimet do të vlerësohen nga një komision vlerësues i përbërë nga zyrtarë nga Agjencia Kundër Korrupsionit, përfaqësues të zyrës së UNDP-së në Kosovë, dhe profesionistë nga fusha e artit.
Pas përfundimit të afatit, komisioni do të vlerësojë vizatimet e dorëzuara për të përzgjedhur pastaj 12 më të mirat.
Ceremonia e ndarjes së çmimeve do të mbahet në javën e parë të dhjetorit, në lokalet e Agjencisë Kundër Korrupsionit.

ÇMIMI :
Vizatimet më të mira do të shpërblehen me nga një Ipad. Në tërësi, do të përzgjedhen 12 vizatimet më të mira.

KUSHTET E KONKURRIMIT :
Nxënësit duhet të dorëzojnë vizatimet e tyre, në çfarëdo teknike, përfshirë: laps, ngjyra pastel, ngjyra temper, ngjyra të ujit, etj., dhe duhet të kenë një temë origjinale. Në konkurrim nuk do të pranohen punime që krijohen përmes programeve softuerike. Po kështu, nuk do të pranohen vizatimet që konsiderohen jo-origjinale ose që paraqiten si kopje të ndonjë vizatimi të mëparshëm.

DORËZIMI :
Vizatimi të të dorëzohet sipas kushteve më poshtë:
– Të jetë origjinal;
– Në cilëndo teknikë;
– Formati: A4;
– Të dorëzohet me postë në adresën: UNDP Kosovo
Rruga Zagrebi, Nr. 58, Prishtine Kosovë 10 000
Vërejtje : Ju lutem vini re që posta merr disa ditë për të arritur. Është në përgjegjësi të derguesit/es që vizatimi të arrijë në adresën e lartpërmendur deri në datën 25 nëntor. Vizatimet që arrijnë pas kësaj date nuk do të merren parasysh.
– Përvec vizatimit, dërguesi duhet të përfshijë edhe këto të dhëna:
Emrin dhe Mbiemri i/e autorit/es të vizatimit
Komuna
Mosha
Klasa dhe shkolla
Një numër telefoni kontaktues

Për më shumë info, na kontaktoni në : saek.ks@undp.org ose në +381 38 249 066; ext. 226