Sesion Informativ

22 Mars 2019, 11:00-12:00 Resource Center në zyret e FIQ, Prishtinë

Mbështetje për OSHC-të me Grante të V gla dhe Mesme në zbatim të projekteve në njërën nga tri fushat tematike: Mbrojtja e Mjedisit, Energjia e Gjelbër dhe Ekonomia Qarkore.

Balkan Green Foundation (BGF) në bashkëpunim me Institutin për Politika Zhvillimore (INDEP) janë dukepublikuar Thirrjen për Propozime për OSHC-të, si pjesë e projektit Empower – Engage – Build Ownership’, i financuar nga BE, i menaxhuar nga Zyra e Bashkimit Evropian në Kosovë.

Skema e mbështetjes financiare synon të ndihmojë OSHC-të lokale në Kosovë për të zbatuar projekte që adresojnë
tri fusha tematike të projektit: mbrojtjen e mjedisit, energjinë e gjelbër dhe ekonominë qarkore (të shpjeguara më
poshtë) dhe përmirësimi i situatës në terren.

> Mbrojtja e mjedisit nënkupton ruajtjen e resurseve natyrore nga veprimet e dëmshme njerëzore në nivel
individual, të organizuar ose në nivel qeveritar. Aty përfshihen praktikat mjedisore të qëndrueshme të
cilat nuk e shkatërrojnë natyrën, e ruajnë mjedisin ekzistues natyror dhe kur është e mundur edhe i sanojnë
dëmet. Mjedisi është çdo gjë që na rrethon prandaj mbrojtja e mjedisit është përgjegjësia jonë.
> Energjia e gjelbër vjen nga burimet natyrore si drita e diellit, era, shiu, bimët, ngrohja gjeotermale, etj.
Këto burime të energjisë janë të ripërtëritshme që do të thotë se ato plotësohen natyrshëm. Teknologjitë e energjisë së ripërtërishme janë burime të pastra të energjisë që kanë ndikim shumë më të ulët mjedisor sesa teknologjitë konvencionale të energjisë. Kosova është një shtet që varet nga karburantet fosile për prodhimin e energjisë. Duke qenë se karburantet fosile po bëhen gjithnjë e më të shtrenjta në aspektin ekonomik, shëndetësor dhe mjedisor, ekziston nevoja për shfrytëzim efikas të energjisë dhe të kalohet nga prodhimi i pistë i energjisë në energji të pastër e të gjelbër.
> Rritja e qëndrueshme ekonomike do të thotë një normë e rritjes e cila mund të mbahet pa krijuar probleme të tjera të mëdha ekonomike, sidomos për gjeneratat e ardhshme. Ekonomia qarkore është një alternativë ndaj ekonomisë tradicionale lineare “prodho, përdore, flake” në të cilën i mbajmë resurset në përdorim për sa më gjatë që është e mundshme, e nxjerrim vlerën maksimale prej tyre përderisa janë në përdorim, pastaj rikuperojmë dhe rigjenerojmë produktet dhe materialet në fund të jetës së shërbimi.

Aktivitetet edukative për atë se si të kujdeset për mjedisin, të përdoret më pak energji elektrike dhe të prodhohet më pak mbeturina duke i mbajtur produktet në përdorim më gjatë, aktivitetet e pastrimit të një resursi lokal natyror, mbjellja dhe gjelbërimi i hapësirave publike, mirëmbajtja e shtigjeve, aktivitetet e ecjes dhe kampingut të cilat e promovojnë natyrën, etj. janë vetëm disa nga aktivitetet që mund të përfitojnë nga skema e nën-granteve të BGF dhe INDEP. Veprimet e propozuara duhet t’i adresojnë problemet e identifikuara përmes aktiviteteve për ngritjen e vetëdijes për ta rritur edukimin publik dhe përfshirjen e komunitetit.