Demokraci Plus në bashkëpunim me Insajderin, kanë kënaqësinë të ju ftojnë që të merrni pjesë në tryezën e diskutimit që do të mbahet nga me 12 mars 2018, në Sirius në Prishtinë duke filluar nga ora 10:00.
Qëllimi i kësaj tryeze është që të diskutojë mbi sigurinë e gazetarëve dhe hapave institucional që po ndërmerren në zbulimin dhe ndjekjen penale të personave që kërcënojnë apo sulmojnë gazetarët gjatë kryerjes së punës së tyre.
Sipas të dhënave të Asociacionit të Gazetarëve të Kosovës, gjatë vitit 2017 janë regjistruar 38 raste të sulmeve dhe kërcënimeve ndaj gazetarëve, duke shënuar kështu vitin më të rëndë për gazetarët, krahasuar me vitet e kaluara. Kjo për faktin se më 2016, AGK kishte regjistruar 12 raste të kërcënimeve dhe sulmeve, ndërsa në vitin 2015 kishte regjistruar 15 sosh, duke përfshirë kërcënimet, sulmet fizike, frikësimet dhe dëmtim të pronës.