Konferenca – “E ardhmja e arsimit për të rritur në Kosovë”
22 nëntor 2019, Hotel- Sirius, Prishtinë ,

DVV International – Instituti për bashkëpunim ndërkombëtar i bashkësisë së shkollave të larta popullore gjermane (Asociacioni gjerman për arsimin e të rriturve ) në bashkëpunim me MASHT, MPMS, MKRS dhe akteret tjerë të arsimit në Kosovë, do të organizojnë Konferencën -,E ardhmja e arsimit për të rritur në Kosovë’- e cila do të mbahet me datën 22 nëntor, 2019 në Hotel ,Sirius’ në Prishtinë . Kjo konferencë është organizuar për të analizuar gjendjen aktuale të arsimit për të rritur në Kosovë dhe për të evidentuar hapat e mëtutjeshëm dhe të domosdoshëm për zhvillim, duke u bazuar në zbatimin e Kornizës për veprim (Belem Framework for Action ), e cila u miratua nga delegatët e konferencës së gjashtë ndërkombëtare për arsimin e të rriturve (CONFINTEA VI) në Belém, të Brazilit.

Gjate vitit 2017 në Koren Jugore nën organizimin e UNESCOs dhe UIL, u organizua konferenca botërore për rishikimin afatmesëm të planit të veprimit dhe u analizua implementimi i rekomandimeve të dalura nga CONFINTEA – VI . Të gjitha shtetet pjesëmarrëse në këtë konferencë u dakorduan për progresin e arritur dhe adresuan rekomandimet e nevojshme për arritjen e agjendës botërore -2030 në fushën e arsimit për të rritur.

Duke pasur parasysh zhvillimet e përmendura më lartë , dhe agjendën botërore për arsimin e të rriturve – 2030 , kemi nevojë që edhe ne të renditemi si pjesë përbërëse e kësaj agjende , të adresojmë të arriturat e deritashme dhe të nxjerrim rekomandimet e nevojshme për të realizuar Kornizën e veprimeve të nevojshme për zhvillimin e mëtutjeshëm të arsimit për të rritur në Republikën e Kosovës.
Konferenca – “E ardhmja e arsimit për të rritur në Kosovë” ka për qëllim pikërisht analizën dhe adresimin e planit të veprimit , përmes rekomandimeve të nevojshme për ;

• Politikat;
• Qeverisjen;
• Financimin;
• Gjithë përfshirjen dhe barazinë;
• Cilësinë në arsimin e të rriturve.

Fuqia e arsimimit të të rriturve; një vizion drejt vitit 2030. Kjo deklaratë përshkruan parimet udhëzuese dhe strategjitë kryesore për komunitetin ndërkombëtar të arsimit për të rritur, dhe shikon drejt CONFINTEA VII, të planifikuar për 2022. Le të mobilizohemi të gjithë së bashku për të ardhmen e arsimit për të rritur edhe në Kosovë dhe të jemi pjesë e CONFINTEA -VII .
Ju mirëpresim në Konferencën – “E ardhmja e arsimit për të rritur në Kosovë’”